غم کی بارش نے بھی ترے نقش کو دھویا نہیں تو نے مُجھ کو کھو دیا ، میں نے تُجھے کھویا نہیں نیند کا ہلکا گلابی سا خمار آنکھوں میں تھا یوں لگا جیسے وہ شب کو دیر تک سویا نہیں ہر طرف دیوار و در اور ان میں آنکھوں کہ ہجوم کہہ سکے جو دل کی حالت وہ لب گویا نہیں جرم آدم نے کیا اور نسل آدم کو سزا کاٹتا ہوں زندگی بھر ، میں نے جو بویا نہیں جانتا ہوں ایک ایسے شخص کو میں بھی منیرؔ .غم سے پتھر ہو گیا ، لیکن کبھی رویا نہیں
منیر نیازی
