آؤ بچو سبق پڑھائیں فارسی اور اردو
گائے کو بولو گاؤ ہمیشہ ہرنی کو آہو
گھاس گیاہ اور آب ہے پانی اور ندی ہے جو
منشی جی نے سبق پڑھایا فارسی اور اردو
ہو ہا ہو ہا ہو
ہو ہو ہو ہو ہو ہو
آؤ بچو سبق پڑھائیں فارسی اور اردو
آنکھ کو دیدہ کان کو گوش اور آنکھ کی بھوں ابرو
خال ہے تل اور گال ہے عارض چوٹی ہے گیسو
منشی جی نے سبق پڑھایا فارسی اور اردو
ہو ہا ہو ہا ہو
ہو ہو ہو ہو ہو
آؤ بچو سبق پڑھائیں فارسی اور اردو
بچو پیر کے معنی بوڑھا بالا بچہ طفل
رنگ ہے روپ اور ڈیل ہے قامت شانہ ہے بازو
منشی جی نے سبق پڑھایا فارسی اور اردو
ہو ہا ہو ہا ہو
ہو ہو ہو ہو ہو
آؤ بچو سبق پڑھائیں فارسی اور اردو
شب کی اردو رات ہے بچو دن کی فارسی روز
راہ ہے رستہ جنگل صحرا سمت کے معنی سو
منشی جی نے سبق پڑھایا فارسی اور اردو
ہو ہا ہو ہا ہو
ہو ہو ہو ہو ہو
آؤ بچو سبق پڑھائیں فارسی اور اردو
تو تو میں میں چھوڑ کے بچو یاد کرو یہ لفظ
من کے معنی میں ہوتے ہیں تو کے معنی تو
منشی جی نے سبق پڑھایا فارسی اور اردو
ہو ہا ہو ہا ہو
ہو ہو ہو ہو ہو
رئیس امروہوی
