مئے کوثر کا اثر چشم سیہ فام میں ہے ساقی مست عجب کیف ترے جام میں ہے دیکھیے فیصلہ یاس و تمنا کیا ہو صبح محشر کی جھلک تیرگی شام میں ہے نگہ مست کا پھر زہد شکن دور چلے پھر ڈھلے بادہ سرجوش جو اس جام میں ہے چھا گئے شیوہ بیداد پہ دل کش نغمے میں قفس میں ہوں کہ صیاد مرے دام میں ہے مطمئن خود ہی نہیں پھر اثر انداز ہو کیا پند واعظ ابھی اندیشہ انجام میں ہے آرزو لطف طلب عشق سراسر ناکام مبتلا زندگی دل انہیں اوہام میں ہے
دل شاہجہاں پوری
![مئے کوثر کا اثر چشم سیہ فام میں ہے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)