مطمئن دل ان کی الفت سے مگر آنکھیں پر آب آہ دیوانے کی دنیا آہ دیوانے کا خواب مٹ چکا ہوتا کبھی کا یہ دل نا کامیاب چھیڑتا رہتا ہے اکثر کوئی ہستی کا رباب جام بن کر جھک رہے ہیں آفتاب و ماہتاب یہ لٹانے آ گیا ہے کون آنکھوں سے شراب تک رہے ہیں ڈوبتے تارے دھڑکتے دل کے ساتھ صبح کا رنگیں سماں ہے اور وہ ہیں محو خواب اللہ اللہ یہ نگاہ منتظر کا معجزہ سو حجابوں سے ہوا جاتا ہے کوئی بے حجاب کون ملتا ہے نسیم صبح میں یہ سسکیاں کون آج اٹھا ہے ان کی بزم سے نا کامیاب کوئی تاریکی میں چپکے سے بڑھا دیتا ہے لو جب شب غم بجھنے لگتا ہے دل نا کامیاب اے شفاؔ میرے سوالوں نے ستم یہ کیا کیا آہ کن آنکھوں سے ان کو دیکھتا ہوں لا جواب
شفا گوالیاری
