ممکن نہیں کہ بھول کے بھی آرمیدہ ہوں میں دشت غم میں آہوئے صیاد دیدہ ہوں ہوں دردمند جبر ہو یا اختیار ہو کہ نالۂ کشیدہ گہ اشک چکیدہ ہوں جاں لب پہ آئی تو بھی نہ شیریں ہوا دہن از بسکہ تلخیٔ غم ہجراں چشیدہ ہوں نے سبحہ سے علاقہ نہ ساغر سے واسطہ میں معرض مثال میں دست بریدہ ہوں ہوں خاکسارپر نہ کسی سے ہے مجھ کو لاگ نے دانۂ فتادہ ہوں نے دام چیدہ ہوں جو چاہئے نہیں وہ مری قدر و منزلت میں یوسف بقیمت اول خریدہ ہوں ہرگز کسی کے دل میں نہیں ہے مری جگہ ہوں میں کلام نغز ولے نا شنیدہ ہوں اہل ورع کے حلقے میں ہر چند ہوں ذلیل پر عاصیوں کے زمرے میں میں برگزیدہ ہوں پانی سے سگ گزیدہ ڈرے جس طرح اسدؔ ڈرتا ہوں آئنے سے کہ مردم گزیدہ ہوں
مرزا غالب
