میرا سینہ ہے مشرق آفتاب داغ ہجراں کا طلوع صبح محشر چاک ہے مرے گریباں کا ازل سے دشمنی طاؤس و مار آپس میں رکھتے ہیں دِل پر داغ کو کیوں کر ہے عشق اِس زلف پیچاں کا کسی خورشید رو کو جذب دِل نے آج کھینچا ہے کے نور صبح صادق ہے غبار اپنے بیاباں کا چمکنا برق کا لازم پڑا ہے ابر باراں میں تصور چاہیئے رونے میں اِس کہ روئے خنداں کا دیا مرے جنازے کو جُو کاندھا اس پری رو نے گماں ہے تختۂ تابوت پر تخت سلیماں کا کسی سے دِل نہ اس وحشت سرا میں میں نے اٹکایا نہ الجھا خار سے دامن کبھی مرے بیاباں کا تہہ شمشیر قاتِل کس قدر بشاش تھا ناسخؔ .کے عالم ہر دہان زخم پر ہے روئے خنداں کا
امام بخش ناسخ
