مینوں عشق ہلارے دیندا مونہہ چڑھا آ یار بلیندا کی پچھدا ہیں کی ذات صفات میری اہو آدم والی ذات میری نحن اقرب دے وچ گھات میری وچ رب دا سر جھلیندا مینوں عشق ہلارے دیندا کتے شیا تے کتے سنی اے کتے جٹادھاری کتے منی اے میری سبھ سے فارغ کننی اے جو کہاں سو یار میندا مینوں عشق ہلارے دیندا بلہاؔ دوروں چل حصار آیا جی اہدی صورت نے بھرمائی آ جی اوسے پاک جمال وکھائی آ جی اہ ہک دم نا بھلیندا مینوں عشق ہلارے دیندا مونہہ چڑھا آ یار بلیندا
بلہے شاہ
