میں ترے صدقے گئی اے مری پیاری مت چیخ مت جگا نیند بھرے لوگوں کو واری مت چیخ لگتی ہے چوٹ تو لگنے دے مسوس اور ذری ایک دم کے لیے خاطر سے ہماری مت چیخ اپنا چونڈا نہ ہلا دم نہ پھلا اے بلبل کہہ دیا میں نے نہیں تجھ کو کہ ہاں ری مت چیخ کیوں مرا مغز پھراتی ہے اری مینا چپ اڑ گئی دور بھی ہو جیسے گنواری مت چیخ چیخ چنگھاڑ مچاتی ہوئی انشاؔ سے نہ مل بنو اب منتیں کر کے تری ہاری مت چیخ
انشاءاللہ انشاء
![میں ترے صدقے گئی اے مری پیاری مت چیخ 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)