میں نے شاید تمہیں پہلے بھی کہیں دیکھا ہے اجنبی سی ہو مگر غیر نہیں لگتی ہو وہم سے بھی جو ہو نازک وہ یقیں لگتی ہو ہائے یہ پھول سا چہرہ یہ گھنیری زلفیں میرے شعروں سے بھی تم مجھ کو حسیں لگتی ہو میں نے شاید تمہیں پہلے بھی کہیں دیکھا ہے دیکھ کر تم کو کسی رات کی یاد آتی ہے ایک خاموش ملاقات کی یاد آتی ہے ذہن میں حسن کی ٹھنڈک کا اثر جاگتا ہے آنچ دیتی ہوئی برسات کی یاد آتی ہے میں نے شاید تمہیں پہلے بھی کہیں دیکھا ہے مری آنکھوں پہ جھکی رہتی ہیں پلکیں جس کی تم وہی میرے خیالوں کی پری ہو کہ نہیں کہیں پہلے کی طرح پھر تو نہ کھو جاؤ گی جو ہمیشہ کے لیے ہو وہ خوشی ہو کہ نہیں میں نے شاید تمہیں پہلے بھی کہیں دیکھا ہے
ساحر لدھیانوی
![میں نے شاید تمہیں پہلے بھی کہیں دیکھا ہے 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)