نگاہ اولیں کی دلستانی یاد آتی ہے کسی نا مہرباں کی مہربانی یاد آتی ہے قریب شاخ گل ہوتی ہے جب دستاں سرا بلبل ہمیں بھی بھولی بسری اک کہانی یاد آتی ہے دل ناشادماں کو اور بھی ناشاد کرنے کو دل ناشادماں کی شادمانی یاد آتی ہے جوانی اور بوئے گل میں یا رب کیا تعلق تھا کہ بوئے گل سے پیری میں جوانی یاد آتی ہے غزل اب ختم ہو جاتی ہے اپنی پانچ شعروں پر جوانی اور طبیعت کی روانی یاد آتی ہے
تلوک چند محروم
