نہ ہارا ہے عشق اور نہ دنیا تھکی ہے دیا جل رہا ہے ہوا چل رہی ہے سکوں ہی سکوں ہے خوشی ہی خوشی ہے ترا غم سلامت مجھے کیا کمی ہے کھٹک گدگدی کا مزا دے رہی ہے جسے عشق کہتے ہیں شاید یہی ہے وہ موجود ہیں اور ان کی کمی ہے محبت بھی تنہائی دائمی ہے چراغوں کے بدلے مکاں جل رہے ہیں نیا ہے زمانہ نئی روشنی ہے ارے او جفاؤں پہ چپ رہنے والو خموشی جفاؤں کی تائید بھی ہے مرے راہبر مجھ کو گمراہ کر دے سنا ہے کہ منزل قریب آ گئی ہے خمارؔ بلا نوش تو اور توبہ تجھے زاہدوں کی نظر لگ گئی ہے
خمار بارہبنکوی
![نہ ہارا ہے عشق اور نہ دنیا تھکی ہے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)