وہاں شاید کوئی بیٹھا ہوا ہے ابھی کھڑکی میں اک جلتا دیا ہے مرا دل بھی عجب خالی ویا ہے کسی کی یاد نے جس کو بھرا ہے مری خاموشیوں کی جھیل میں پھر کسی آواز کا پتھر گرا ہے پرندے شاخ سے لپٹے ہوئے ہیں یہ کیسا خوف خیمہ زن ہوا ہے اسی پر کھل رہے ہیں سارے موسم جو اپنے گھر سے باہر آ گیا ہے محبت کا مقدر دیکھتے ہو ہوا نے کچھ تو پانی پر لکھا ہے چراغو اب ذرا اپنی سناؤ ہوا کا کام پورا ہو چکا ہے محبت پھر وہیں لے آئی عادلؔ یہ جنگل بارہا دیکھا ہوا ہے
عادل رضا منصوری
