وہ کمال حسن حضور ہے کہ گمان نقص جہاں نہیں یہی پھول خار سے دور ہے یہی شمع ہے کہ دھواں نہیں دو جہاں کی بہتریاں نہیں کہ امانئ دل و جاں نہیں کہو کیا ہے وہ جو یہاں نہیں مگر اک نہیں کہ وہاں نہیں میں نثار تیرے کلام پر ملی یوں تو کس کی زباں نہیں وہ سخن ہے جس میں سخن نہ ہو وہ بیاں ہے جس کا بیاں نہیں بخدا خدا کا یہی ہے در نہیں اور کوئی مفر مقر جو وہاں سے بو یہیں آ کے ہو جو یہاں نہیں تو وہاں نہیں کرے مصطفیٰ کی اہانیتں کھلے بندوں اس پہ یہ جرأتیں کہ میں کیا نہیں ہوں محمدی ارے ہاں نہیں ارے ہاں نہیں تیرے آگے یوں میں دبے لچے فصحا عرب کے بڑے بڑے کوئی جانے منہ میں زباں نہیں نہیں بلکہ جس میں جاں نہیں وہ شرف کہ قطع ہیں نسبتیں وہ کرم کہ سب سے قریب ہیں کوئی کہہ دو یاس و امید سے وہ کہیں نہیں وہ کہاں نہیں یہ نہیں کہ خلد نہ نکو وہ نکوئی کی بھی ہے آبرو مگر اے مدینہ کی آرزو جسے چاہے تو وہ سماں نہیں ہے انہیں کے نور سے سب عیاں ہے انہیں کے جلوہ میں سب نہاں بنے صبح تابش مہر سے رہے پیش مہر یہ جاں نہیں وہی نور حق وہی ظل رب ہے انہیں سے سب ہے انہیں کا سب نہیں ان کی ملک میں آسماں کہ زمیں نہیں کہ زماں نہیں وہی لا مکاں کے مکیں ہوئے سر عرش تخت نشیں ہوئے وہ نبی ہے جس کے ہیں یہ مکاں وہ خدا ہے جس کا مکاں نہیں سر عرش پر ہے تری گزر دل فرش پر ہے تری نظر ملکوت و ملک میں کوئی شے نہیں وہ جو تجھ پہ عیاں نہیں کروں تیرے نام پہ جاں فدا نہ بس ایک جاں دو جہاں فدا دو جہاں سے بھی نہیں جی بھرا کروں کیا کروں کہ جہاں نہیں ترا قدر تو نادر دہر ہے کوئی مثل ہو تو مثال دے نہیں گل کے پودوں میں ڈالیاں کہ چمن میں سرو چماں نہیں نہیں جس کے رنگ کا دوسرا نہ تو ہو کوئی نہ کبھی ہوا کہو اس کو گل کہے کیا نبی کہ گلوں کا ڈھیر کہاں نہیں کروں مدح اہل دل رضاؔ پڑے اس بلا میں مری بلا میں گدا ہوں اپنے کریم کا مرا دین پارۂ ناں نہیں
احمد رضا خاں بریلوی
![وہ کمال حسن حضور ہے کہ گمان نقص جہاں نہیں 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)