وے صورتیں الہی کس ملک بستیاں ہیں اب دیکھنے کو جن کے آنکھیں ترستیاں ہیں آیا تھا کیوں عدم میں کیا کر چلا جہاں میں یہ مرگ و زیست تجھ بن آپس میں ہنستیاں ہیں کیونکر نہ ہو مشبک شیشہ سا دل ہمارا اس شوخ کی نگاہیں پتھر میں دھنستیاں ہیں برسات کا تو موسم کب کا نکل گیا پر مژگاں کی یہ گھٹائیں اب تک برستیاں ہیں لیتے ہیں چھین کر دل عاشق کا پل میں دیکھو خوباں کی عاشقوں پر کیا پیش دستیاں ہیں اس واسطے کہ ہیں یہ وحشی نکل نہ جاویں آنکھوں کو میری مژگاں ڈوروں سے کستیاں ہیں قیمت میں ان کے گو ہم دو جگ کو دے چکے اب اس یار کی نگاہیں تس پر بھی سستیاں ہیں ان نے کہا یہ مجھ سے اب چھوڑ دخت رز کو پیری میں اے دوانے یہ کون مستیاں ہیں جب میں کہا یہ اس سے سوداؔ سے اپنے مل کے .اس سال تو ہے ساقی اور مے پرستیاں ہیں
مرزا محمد رفیع سودا
![وے صورتیں الہی کس ملک بستیاں ہیں 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)