پن کھلا ٹائی کھلی بکلس کھلا کالر کھلا کھلتے کھلتے ڈیڑھ گھنٹے میں کہیں افسر کھلا آٹھ دس کی آنکھ پھوٹی آٹھ دس کا سر کھلا لو خطیب شہر کی تقریر کا جوہر کھلا سچ ہے مشرق اور مغرب ایک ہو سکتے نہیں اس طرف بیوی کھلی ہے اس طرف شوہر کھلا تیرگی قسمت میں آتی ہے تو جاتی ہی نہیں میرے گھر کے بالمقابل کوئلہ سینٹر کھلا ان کا دروازہ تھا مجھ سے بھی سوا مشتاق دید میں نے باہر کھولنا چاہا تو وہ اندر کھلا آدمی احساس منصب کے مطابق قید ہے دیکھ لو ڈپٹی کمشنر بند ہے ریڈر کھلا
