چراغ مہ سیں روشن تر ہے حُسن بے مثال اِس کا کے چوتھے چرخ پر خورشید ہے عکس جمال اِس کا صنم کی زلف کہ حلقے میں ہے جیوں جیم کا نقطہ عجب ہے خُوش نما اِس عارض گلگوں پہ خال اِس کا عیاں ہوتا ہے جیوں کر سرو پانی کہ کنارے پر ہوا یُوں جلوہ گر آنکھوں میں قد نونہال اس کا جدا جب سیں ہوا وہ دلبر جادو نظر مُجھ سیں جدا ہوتا نہیں یک آن خاطر سیں خیال اس کا مُجھے ہے آرزو دِل میں تیری چاہ زنخداں کی نہیں درکار حوض کوثر و آب زلال اس کا گرفتار ہوس کیا لذت دیدار کوں پاوے جدا جُو کوئی ہوا ہے آپ سیں پایا وصَال اس کا سراجؔ اے شعلہ رو ہے کون سا سو میں نہیں واقف .مُجھے کیا پُوچھتا ہے پُوچھ پروانے سیں حال اس کا
سراج اورنگ آبادی
![چراغ مہ سیں روشن تر ہے حُسن بے مثال اِس کا 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)