چند پابند سلاسل ہوئے آزاد اب کے جانے دیوانوں پہ کیا آئے گی افتاد اب کے جن کی یک جہتیٔ احساس تھی آئین جنوں ہیں وہی لوگ تو مجموعہ اضداد اب کے یوں اڑایا گیا ارباب محبت کا مذاق ہو گئے ہم ہوس نام میں برباد اب کے ہم نے بیداری تحریک مسرت کے لیے ہر رگ جاں پہ رکھا دشنہ فریاد اب کے ان فضاؤں میں بجھے سیکڑوں خورشید مگر خیر سے چپ ہیں شب مرگ کے نقاد اب کے اور تو کچھ نہ رہا اہل وفا کے بس میں نذر کو لائے ہیں بھولی ہوئی اک یاد اب کے دیر سے سوچ میں ہے عشرت پرویز عروجؔ جانے کس طرح اٹھے تیشہ فرہاد اب کے
عبدالرؤف عروج
![چند پابند سلاسل ہوئے آزاد اب کے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)