کسی بیکس کو اے بیداد گر مارا تُو کیا مارا جُو آپ ہی مر رہا ہو اس کو گر مارا تُو کیا مارا نہ مارا آپ کو جُو خاک ہو اکسیر بن جاتا اگر پارے کو اے اکسیر گر مارا تُو کیا مارا بڑے موذی کو مارا نفس امارہ کو گر مارا نہنگ و اژدہا و شیر نر مارا تُو کیا مارا خطا تُو دِل کی تھی قابِل بہت سی مار کھانے کے تیری زلفوں نے مشکیں باندھ کر مارا تُو کیا مارا نہیں وہ قول کا سچا ہمیشہ قول دے دے کر جُو اِس نے ہاتھ مرے ہاتھ پر مارا تُو کیا مارا تفنگ و تیر تُو ظاہر نہ تھا کچھ پاس قاتِل کہ الٰہی اِس نے دِل کو تاک کر مارا تُو کیا مارا ہنسی کہ ساتھ یاں رونا ہے مثل قلقل مینا کسی نے قہقہہ اے بے خبر مارا تُو کیا مارا میرے آنسو ہمیشہ ہیں برنگ لعل غرق خوں جُو غوطہ آب میں تُو نے گہر مارا تُو کیا مارا جگر دِل دونوں پہلو میں ہیں زخمی اِس نے کیا جانے ادھر مارا تُو کیا مارا ادھر مارا تُو کیا مارا گیا شیطان مارا ایک سجدہ کہ نہ کرنے میں اگر لاکھوں برس سجدے میں سر مارا تُو کیا مارا دِل سنگین خسرو پر بھی ضرب اے کوہ کن پہنچی اگر تیشہ سر کہسار پر مارا تُو کیا مارا دِل بد خواہ میں تھا مارنا یا چشم بدبیں میں .فلک پر ذوقؔ تیر آہ گر مارا تُو کیا مارا
شیخ محمد ابراہیم ذوقؔ
![کسی بیکس کو اے بیداد گر مارا تُو کیا مارا 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)