کنج میں بیٹھا رہوں یوں پر کھلا کاش کے ہوتا قفس کا در کھلا ہم پکاریں اور کھلے یوں کون جاے یار کا دروازہ پاویں گر کھلا ہم کو ہے اس راز داری پر گھمنڈ دوست کا ہے راز دشمن پر کھلا ہاتھ رکھ دی کب ابرو نے کماں کب کمر سے غمزے کی خنجر کھلا واقعی دل پر بھلا لگتا تھا داغ زخم لیکن داغ سے بہتر کھلا سوز دل کا کیا کرے باران اشک آگ بھڑکی منہ اگر دم بھر کھلا مفت کا کس کو برا ہے بدرقہ رہروی میں پردۂ رہبر کھلا تامے کے ساتھ آگیا پیغام مرگ رہ گیا خط میری چھاتی پر کھلا دیکھیو غالبؔ سے گر الجھا کوئی ہے ولی پوشیدہ اور کافر کھلا
مرزا غالب
