کوئی عشق میں مجھ سے افزوں نہ نکلا کبھی سامنے ہو کے مجنوں نہ نکلا بڑا شور سنتے تھے پہلو میں دل کا جو چیرا تو اک قطرۂ خوں نہ نکلا بجا کہتے آئے ہیں ہیچ اس کو شاعر کمر کا کوئی ہم سے مضموں نہ نکلا ہوا کون سا روز روشن نہ کالا کب افسانۂ زلف شبگوں نہ نکلا پہونچتا اسے مصرع تازہ و تر قد یار سا سرو موزوں نہ نکلا رہا سال ہا سال جنگل میں آتشؔ .مرے سامنے بید مجنوں نہ نکلا
خواجہ حیدر علی آتش
![کوئی عشق میں مجھ سے افزوں نہ نکلا 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)