کون تھا جو دست قاتل کے لئے تیار تھا ایک میں ہی بزم اہل خواب میں بیدار تھا بھر لیے ہیں تیرگی سے گھر کی دیواروں کے گھاؤ کیا نیا سورج ہمارے واسطے آزاد تھا خشک نہروں سے صدائے تشنگی آتی رہی اور سمندر موج بے آواز سے سرشار تھا آ رہے تھے موسموں کے نام پھولوں کے پیام تم نہ تھے تو موسم گل بھی نگہ میں خار تھا دے دیا گھر کے چراغوں کو ہوا کی گود میں لوگ کہتے تھے کہ اک سایہ پس دیوار تھا اب بھی یوں لگتا ہے جیسے ہر خبر ہو آج کی اس لئے برسوں پرانا میز پر اخبار تھا
عابد جعفری
