کیا دل کشئ گیسوئے جاناں ہے آج کل دنیا بہ قید کفر مسلماں ہے آج کل خود حسن انقلاب بداماں ہے آج کل ہاتھوں میں ان کے میرا گریباں ہے آج کل تارے ہیں آب آب تو غنچے عرق عرق اپنے کئے پہ کوئی پشیماں ہے آج کل انسان کو نوازے جو انسان کی طرح ایسا بھی کوئی دنیا میں انساں ہے آج کل ناداں یہ اختیار بہ انجام جبر ہے گلشن بھی اپنے وقت کا زنداں ہے آج کل خالق ہے آپ اپنی پریشانیوں کا وہ دنیا میں جو بشر بھی پریشاں ہے آج کل دنیائے حسن ظن سے الگ ہو کے دیکھیے وجہ سکوں چمن ہے نہ زنداں ہے آج کل بربادیاں بھی تشنۂ تکمیل ہیں شفاؔ گردش میں خود بھی گردش دوراں ہے آج کل
شفا گوالیاری
![کیا دل کشئ گیسوئے جاناں ہے آج کل 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)