کیا زمیں کیا آسماں کچھ بھی نہیں ہم نہ ہوں تو یہ جہاں کچھ بھی نہیں دیدہ و دل کی رفاقت کے بغیر فصل گل ہو یا خزاں کچھ بھی نہیں پتھروں میں ہم بھی پتھر ہو گئے اب غم سود و زیاں کچھ بھی نہیں کیا قیامت ہے کہ اپنے دیس میں اعتبار جسم و جاں کچھ بھی نہیں کیسے کیسے سر کشیدہ لوگ تھے جن کا اب نام و نشاں کچھ بھی نہیں ایک احساس محبت کے سوا حاصل عمر رواں کچھ بھی نہیں کوئی موضوع سخن ہی جب نہ ہو صرف انداز بیاں کچھ بھی نہیں
آفاق صدیقی
![کیا زمیں کیا آسماں کچھ بھی نہیں 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)