گلوئے یزداں میں نوک سناں بھی ٹوٹی ہے کشاکش دل پیغمبراں بھی ٹوٹی ہے سراب ہے کہ حقیقت نظارہ کہ فریب یقیں بھی ٹوٹا ہے طرز گماں بھی ٹوٹی ہے سیاست دل آئینہ چور چور تو تھی سیاست دل آہن گراں بھی ٹوٹی ہے اندھیری رات کا یہ نیم باز سناٹا گلوں کی سانس رگ گلستاں بھی ٹوٹی ہے تمہارے جسم کا سورج جہاں جہاں ٹوٹا وہیں وہیں مری زنجیر جاں بھی ٹوٹی ہے کہاں ہیں عالم امکاں وجود میں آئیں نظر نظر ہی رہی ہے جہاں بھی ٹوٹی ہے شکست و ریخت زمانے کی خوب ہے مخدومؔ خودی تو ٹوٹی تھی خوئے بتاں بھی ٹوٹی ہے
مخدوم محی الدین
![گلوئے یزداں میں نوک سناں بھی ٹوٹی ہے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)