گلے لگائیں کریں تم کو پیار عید کہ دِن ادھر تُو آؤ میرے گلعذار عید کہ دِن غضب کا حُسن ہے آرائشیں قیامت کی عیاں ہے قدرت پروردگار عید کہ دِن سنبھل سکی نہ طبیعت کسی طرح مری رہا نہ دِل پہ مُجھے اختیار عید کہ دِن وُہ سال بھر سے کدورت بھری جُو تھی دِل میں وُہ دور ہو گئی بس ایک بار عید کہ دِن لگا لیا انہیں سینہ سے جوش الفت میں غرض کے آ ہی گیا مُجھ کو پیار عید کہ دِن کہیں ہے نغمۂ بلبل کہیں ہے خندۂ گُل عیاں ہے جوش شباب بہار عید کہ دِن سویاں دودھ شکر میوہ سب مہیا ہے مگر یہ سب ہے مُجھے ناگوار عید کہ دِن ملے اگر لب شیریں کا ترے اِک بوسہ .تُو لطف ہو مُجھے البتہ یار عید کہ دِن
اکبر الہ آبادی
