گھرانا ہے یہ ان کا یہ علی کے گھر کی چادر ہے مرے آقا مرے مرشد مرے سرور کی چادر ہے نگاہیں چومتی ہیں اور جھوم اٹھتی ہیں یہ کہہ کر یہ محی الدین بابو جی شہ خوشتر کی چادر ہے جسے دیکھو عقیدت سے سجا لیتا ہے وہ سر پر سعادت کا نشاں ہے اور پھر چادر کی چادر ہے وہ جس پر اس کا سایہ ہو قیامت تک نہیں ڈرتا محمدؐ سے جسے نسبت ہے یہ اس گھر کی چادر ہے نہ کیوں ہو جلوۂ مہر علی ہر تار سے ظاہر شہ جیلاں کے پیارے دین کے محور کی چادر ہے مرے سر پر ہے سایہ ان کے پر انوار دامن کا مری آنکھوں میں ان کے جلوۂ اطہر کی چادر ہے جسے دیکھو وہ دیوانہ جسے دیکھو وہ متوالا نصیرؔ ان کی حسیں چادر عجب منظر کی چادر ہے
پیر نصیر الدین نصیر گیلانی
