ہم انتظار کریں گے ترا قیامت تک خدا کرے کہ قیامت ہو اور تو آئے یہ انتظار بھی اک امتحان ہوتا ہے اسی سے عشق کا شعلہ جوان ہوتا ہے یہ انتظار سلامت ہو اور تو آئے بچھائے شوق کے سجدے وفا کی راہوں میں کھڑے ہیں دید کی حسرت لیے نگاہوں میں قبول دل کی عبادت ہو اور تو آئے وہ خوش نصیب ہے جس کو تو انتخاب کرے خدا ہماری محبت کو کامیاب کرے جواں ستارۂ قسمت ہو اور تو آئے خدا کرے کہ قیامت ہو اور تو آئے
ساحر لدھیانوی
![ہم انتظار کریں گے ترا قیامت تک 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)