ہم ایسے لوگ جلد اسیر خزاں ہوئے لیکن غرور و تمکنت گلستاں ہوئے طوفان عہد تازہ ترا شکریہ کہ اب جتنے ستارے ذہن میں چمکے دھواں ہوئے جب تم ملے تو سامنے مے خانہ مل گیا اور فلسفے حیات کے سب رائیگاں ہوئے آئے ہیں پھول دھوپ سے بچنے مری طرف میرا ہی دل ہے چاند جہاں میہماں ہوئے میری نظر سے آج گریزاں ہے گلستاں میری نظر کی چھاؤں میں غنچے جواں ہوئے اب ماحصل حیات کا بس یہ ہے اے سلامؔ سگریٹ جلائی شعر کہے شادماں ہوئے اب کچھ نہیں ہے معبد گیتی خطا معاف موتی سے اشک صرف مہ و کہکشاں ہوئے
سلام ؔمچھلی شہری
![ہم ایسے لوگ جلد اسیر خزاں ہوئے 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)