ہم نے تو بے شمار بہانے بنائے ہیں کہتا ہے دل کہ بت بھی خدا نے بنائے ہیں لے لے کے تیرا نام ان آنکھوں نے رات بھر تسبیح انتظار کے دانے بنائے ہیں ہم نے تمہارے غم کو حقیقت بنا دیا تم نے ہمارے غم کے فسانے بنائے ہیں وہ لوگ مطمئن ہیں کہ پتھر ہیں ان کے پاس ہم خوش کہ ہم نے آئینہ خانے بنائے ہیں بھونرے انہی پہ چل کے کریں گے طواف گل جو دائرے چمن میں صبا نے بنائے ہیں آج اس بدن پہ بھی نظر آئے طلب کے داغ دیوار پر بھی نقش وفا نے بنائے ہیں ہم تو وہاں پہنچ نہیں سکتے تمام عمر آنکھوں نے اتنی دور ٹھکانے بنائے ہیں
غلام محمد قاصر
![ہم نے تو بے شمار بہانے بنائے ہیں 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)