ہنگامہ گرم ہستئ نا پائیدار کا چشمک ہے برق کی کے تبسم شرار کا میں جُو شہید ہوں لب خندان یار کا کیا کیا چراغ ہنستا ہے مرے مزار کا ہو راز دِل نہ یار سے پوشیدہ یار کا پردہ نہ درمیاں ہو جُو دِل کہ غبار کا اِس روئے تابناک پہ ہر قطرۂ عرق گویا کے اِک ستارہ ہے صبح بہار کا ہے عین وصل میں بھی میری چشم سوئے در لپکا جُو پڑ گیا ہے مُجھے انتظار کا پہنچے گا ترے پاس کبوتر سے پیشتر مکتوب شوق اڑا کہ تیرے بے قرار کا ہو پاک دامنوں کو خلش گر سے کیا خطر کھٹکا نہیں نگاہ کو مژگاں کہ خار کا بجھنے کی دِل کی آگ نہیں زیر خاک بھی ہوگا درخت گور پہ مری چنار کا دیکھ اپنے در گوش کو عارض سے متصل دیکھا نہ ہو ستارہ جُو صبح بہار کا پُوچھے ہے کیا حلاوت تلخابۂ سرشک شربت ہے باغ خلد بریں کہ انار کا ہے دِل کی داؤ گھات میں مژگاں سے چشم یار ہے شوق اِس کی ٹٹی کی اوجھل شکار کا قاصد لکھوں لفافۂ خط کو غبار سے تا جانے وہ یہ خط ہے کسی خاکسار کا اے ذوقؔ ہوش گر ہے تُو دنیا سے دور بھاگ .اِس مے کدے میں کام نہیں ہوشیار کا
شیخ محمد ابراہیم ذوقؔ
