ہوا زمانے کی ساقی بدل تو سکتی ہے حیات ساغر رنگیں میں ڈھل تو سکتی ہے بس اک لطیف تبسم بس اک حسین نظر مریض دل کی یہ حالت سنبھل تو سکتی ہے جہاں سے چھوڑ رہے ہو مجھے اندھیرے میں وہیں سے راہ محبت نکل تو سکتی ہے پھر اپنے غنچۂ زخم جگر کا کیا ہوگا نسیم صبح مری سمت چل تو سکتی ہے تری نگاہ کرم کی قسم ہے اب بھی مجھے یہی یقین کہ دنیا بدل تو سکتی ہے سلامؔ جام و سبو کی یہ شاعری معلوم وگرنہ اپنی طبیعت بہل تو سکتی ہے
سلام ؔمچھلی شہری
![ہوا زمانے کی ساقی بدل تو سکتی ہے 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)