ہے جستجو کہ خوب سے ہے خوب تر کہاں اب ٹھہرتی ہے دیکھیے جا کر نظر کہاں ہیں دور جام اول شب میں خُودی سے دور ہوتی ہے آج دیکھیے ہم کو سحر کہاں یا رب اس اختلاط کا انجام ہو بخیر تھا اس کو ہم سے ربط مگر اس قدر کہاں اِک عمر چاہیئے کے گوارا ہو نیش عشق رکھی ہے آج لذت زخم جگر کہاں بس ہو چکا بیاں کسل و رنج راہ کا خط کا میرے جواب ہے اے نامہ بر کہاں کون و مکاں سے ہے دل وحشی کنارہ گیر اس خانماں خراب نے ڈھونڈا ہے گھر کہاں ہم جس پہ مر رہے ہیں ، وہ ہے بات ہی کچھ اور عالم میں تُجھ سے لاکھ سہی تُو مگر کہاں ہوتی نہیں قبول دعا ترک عشق کی دل چاہتا نہ ہو تُو زباں میں اثر کہاں حالیؔ نشاط نغمہ و مے ڈھونڈھتے ہو اب .آئے ہو وقت صبح رہے رات بھر کہاں
الطاف حسین حالی
![ہے جستجو کہ خوب سے ہے خوب تر کہاں 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)