یاد اسے بھی ایک ادھورا افسانہ تو ہوگا کل رستے میں اس نے ہم کو پہچانا تو ہوگا ڈر ہم کو بھی لگتا ہے رستے کے سناٹے سے لیکن ایک سفر پر اے دل اب جانا تو ہوگا کچھ باتوں کے مطلب ہیں اور کچھ مطلب کی باتیں جو یہ فرق سمجھ لے گا وہ دیوانہ تو ہوگا دل کی باتیں نہیں ہے تو دلچسپ ہی کچھ باتیں ہوں زندہ رہنا ہے تو دل کو بہلانا تو ہوگا جیت کے بھی وہ شرمندہ ہے ہار کے بھی ہم نازاں کم سے کم وہ دل ہی دل میں یہ مانا تو ہوگا
جاوید اختر
![یاد اسے بھی ایک ادھورا افسانہ تو ہوگا 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)