یا رب مرے نصیب میں اکل حلال ہو کھانے کو قورمہ ہو کھلانے کو دال ہو لے کر برات کون سپر ہائی وے پہ جائے ایسی بھی کیا خوشی کہ سڑک پر وصال ہو جلدی میں منہ سے لفظ جمالو نکل گیا کہنا یہ چاہتا تھا کہ تم مہ جمال ہو عورت کو چاہئے کہ عدالت کا رخ کرے جب آدمی کو صرف خدا کا خیال ہو اک بار ہم بھی راہنما بن کے دیکھ لیں پھر اس کے بعد قوم کا جو کچھ بھی حال ہو ہم تو کسی سے بھیک نہیں مانگتے فگارؔ لیکن اگر فقیر کی صورت سوال ہو
دلاور فگار
![یا رب مرے نصیب میں اکل حلال ہو 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)