یہ ذوق پیچ و تاب کا یہ رقص موج آب کا عجیب رنگ ہے ہمارے دل کے اضطراب کا یہ زندگی یہ بے کنار رنج و غم کی داستان یہ زندگی خیال ہے جوانیوں کے خواب کا مری گزارشات کے جواب میں یہ خامشی مجھے گماں نہ تھا اس انتہائے اجتناب کا تری نگاہ ہے کہ کیف تازہ کا پیام ہے تری نگاہ ہے کہ دور ہے شراب ناب کا وہ میرے رنج و غم نے ہم نفس تلاش کر لیا وہ پھیکا پڑ گیا ہے رنگ روئے ماہتاب کا غریب فطرتؔ آج کل خموش و گریہ کوش ہے کبھی تو رنگ دیکھ اس کے دیدۂ پر آب کا
عبدالعزیز فطرت
