یہ کیسا نشہ ہے ، میں کس عجب خمار میں ہوں تُو آ کہ جا بھی چکا ہے ، میں انتظار میں ہوں مکاں ہے قبر جسے لوگ خود بناتے ہیں میں اپنے گھر میں ہوں ، یا میں کسی مزار میں ہوں در فصیل کھلا یا پہاڑ سر سے ہٹا میں اب گری ہوئی گلیوں کہ مرگ زار میں ہوں بس اتنا ہوش ہے ، مُجھ کو کے اجنبی ہیں سب رکا ہوا ہوں سفر میں کسی دیار میں ہوں میں ہوں بھی اور نہیں بھی عجیب بات ہے یہ یہ کیسا جبر ہے ، میں جس کہ اختیار میں ہوں منیرؔ دیکھ شجر چاند اور دیواریں .ہوا خزاں کی ہے سر پر شب بہار میں ہوں
منیر نیازی
