سراپا حُسن سمدھن گویا گُلشن کی کیاری ہے پری بھی اب تُو بازی حُسن میں سمدھن سے ماری ہے کھنچی کنگھی گندھی چوٹی جمی پٹی لگا کاجل کماں ابرو نظر جادو نگہ ہر اِک دلاری ہے جبیں مہتاب آنکھیں شوخ شیریں لب گہر دنداں بدن مُوتی دہن غنچہ ادا ہنسنے کی پیاری ہے نیا کم خواب کا لہنگا جھمکتے تاش کی انگیا کچیں تصویر سی جن پہ لگا گوٹا کناری ہے ملائم پیٹ مخمل سا کلی سی ناف کی صورت اٹھا سینہ صفا پیڑو عجب جوبن کی ناری ہے سریں نازک کمر پتلی خط گُل زار روما دِل کہوں کیا آگے اب اِس کہ مقام پردہ داری ہے لٹکتی چال مدھ ماتی چلے بچھوں کو جھنکاتی ادا میں دِل لیے جاتی عجب سمدھن ہماری ہے بھرے جوبن پہ اتراتی جھمک انگیا کی دکھلاتی .کمر لہنگے سے بل کھاتی لٹک گھونگھٹ کی بھاری ہے
نظیر اکبر آبادی
![سراپا حُسن سمدھن گویا گُلشن کی کیاری ہے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)