آنسو مری آنکھوں میں نہیں آئے ہوئے ہیں دریا تری رحمت کے یہ لہرائے ہوئے ہیں اللہ ری حیا حشر میں اللہ کے آگے ہم سب کے گناہوں پہ وہ شرمائے ہوئے ہیں میں نے چمن خلد کے پھولوں کو بھی دیکھا سب آگے ترے چہرے کے مرجھائے ہوئے ہیں بھاتا نہیں کوئی نظر آتا نہیں کوئی دل میں وہی آنکھوں میں وہی چھائے ہوئے ہیں روشن ہوئے دل پرتو رخسار نبی سے یہ ذرے اسی مہر کے چمکائے ہوئے ہیں شاہوں سے دبیں کیا جو گدا ہیں ترے در کے یہ اے شاہ خوباں تری شہہ پائے ہوئے ہیں آئے ہیں جو وہ بے خودیٔ شوق کو سن کر اس وقت امیرؔ آپ میں ہم آئے ہوئے ہیں
امیر مینائی
