غالباً 1909ء کی بات ہے کہ مولوی محمد یحییٰ تنہا وکیل میرٹھ نے مولانا حالی ؔکو اپنی شادی میں پانی پت بلایا۔ شادی کے بعد مولانا حالیؔ اور مولوی محمد اسمٰعیل میرٹھی اور بعض دوسرے بزرگ بیٹھے آپس میں گفتگو کر رہے تھے کہ مولانا محمد اسماعیل میرٹھی نے مسکراتے ہوئے مولوی محمد یحییٰ تنہاؔ سے کہا، ’’اب اپنا تخلص بدل دیں، کیونکہ اب آپ ’تنہا‘ نہیں رہے۔‘‘ اس پر مولانا نے فرمایا، ’’نہیں مولوی صاحب یہ بات نہیں۔۔۔ تنہا تو یہ ابھی ہوئے ہیں۔‘‘ اس پرتمام مجلس مولانا حالیؔ کی جودت طبع پر حیران رہ گئی۔
الطاف حسین حالی