دود دِل سے ہے یہ تاریکی میرے غم خانہ میں شمع ہے اِک سوزن گم گشتہ اِس کاشانہ میں میں ہوں وُہ خشت کہن مدت سے اِس ویرانے میں برسوں مسجد میں رہا برسوں رہا مے خانہ میں میں وہ کیفی ہوں کے پانی ہو تُو بن جائے شراب جوش کیفیت سے مری خاک کہ پیمانہ میں برق خرمن سوز دانائی ہے نافہمی تیری ورنہ کیا کیا لہلہاتے کھیت ہیں ہر دانہ میں کس نزاکت سے ہے دیکھو اتحاد حُسن و عشق زلف واں شانے نے کھینچی درد ہے یاں شانہ میں وحشت و ناآشنائی مستی و بیگانگی یا تیری آنکھوں میں دیکھی یا تیرے دیوانہ میں عشق کو نشوونما منظور ہے کب ورنہ سبز تخم اشک شمع ہو خاکستر پروانہ میں ہوش کا دعویٰ ہے بے ہوشوں کو زیر آسماں خم نشیں مثل فلاطوں سب ہیں اِس خم خانہ میں پتھروں میں ٹھوکریں کھاتا ہے ناحق سیل آب پُوچھو کیا لے جائے گا آ کر میرے غم خانہ میں ایک پتھر پوجنے کو شیخ جی کعبے گئے ذوقؔ ہر بت قابل بوسہ ہے اِس بت خانہ میں
شیخ محمد ابراہیم ذوقؔ
