یارب کہاں گیا ہے وہ سرو شوخ رعنا ہے چوب خشک جس بن مری نظر میں طوبیٰ دیدار دے شتابی جلنے کی تاب نیں ہے اس ہجر کی اگن سیں دوزخ کی آگ اولی طوق گلوئے دِل ہے زلف صنم کا ہر خم مشہور یہ مثل ہے یک سر ہزار سودا ہے ختم یار جانی ترے دہن کی تنگی کہنے کی بات نیں ہے باریک ہے معما اے گُل بدن نظر کر داغ جگر کوں مرے گر آرزو ہے تُجھ کوں گُل زار کا تماشا مسکن ہوا ہے مرا جب سیں تیری گلی میں اے گلعذار تب سیں جنت کی نیں تمنا ہے اے سراجؔ ہر شب مہتاب رو کہ غم میں .آنسو کا مرے جھمکا جیوں خوشۂ ثریا
سراج اورنگ آبادی