رشتے میں تیری زلف کہ ہے جان ہمارا بے جا نہیں سنبل کہ اوپر مان ہمارا سرمایۂ آشفتہ دلی جمع ہوا ہے آ دیکھ صنم حال پریشان ہمارا جیوں صورت دیوار ہوا محو تمنا مشتاق ترا ہے دِل حیران ہمارا درپیش ہے ہم کوں سفر منزل مقصود بس آہ سحر گاہ یہ سامان ہمارا ترے لب شیریں کی سنا جب سیں حکایت کاشانۂ زنبور ہوا کان ہمارا مجنُوں کی طرح وحشی صحرائے جنُوں نہیں ہے وسعت مشرب سیتی میدان ہمارا کہتے ہیں تیری زلف کوں دیکھ اہل شریعت قربان ہے اِس کفر پر ایمان ہمارا آزاد کئے قید سیں تسبیح کی اس کوں ہے گردن زنار پہ احسان ہمارا سینہ کہ طبق میں ہے کباب دِل پرسوز جس دِن سے غم ہجر ہے مہمان ہمارا اے شوخ کشش سیں تیرے ابرو کی کماں کی دِل ہاتھ سیں جاتا ہے ہر اِک آن ہمارا اے جان سراجؔ ایک غزل درد کی سن جا .مجموعۂ احوال ہے دیوان ہمارا
سراج اورنگ آبادی
