ہم کو گالی کے لیے بھی لب ہلا سکتے نہیں غیر کو بوسہ دیا تو منہ سے دکھلا کر دیا عادل منصوری

پھر کوئی وسعت آفاق پہ سایہ ڈالے پھر کسی آنکھ کے نقطے میں اتارا جاؤں عادل منصوری

دریا کی وسعتوں سے اسے ناپتے نہیں تنہائی کتنی گہری ہے اک جام بھر کے دیکھ عادل منصوری

یادوں نے اسے توڑ دیا مار کے پتھر آئینے کی خندق میں جو پرچھائیں پڑی تھی عادل منصوری

اب ٹوٹنے ہی والا ہے تنہائی کا حصار اک شخص چیختا ہے سمندر کے آر پار عادل منصوری

کب تک پڑے رہوگے ہواؤں کے ہاتھ میں کب تک چلے گا کھوکھلے شبدوں کا کاروبار عادل منصوری

جانے کس کو ڈھونڈنے داخل ہوا ہے جسم میں ہڈیوں میں راستہ کرتا ہوا پیلا بخار عادل منصوری

حدود وقت سے باہر عجب حصار میں ہوں میں ایک لمحہ ہوں صدیوں کے انتظار میں ہوں عادل منصوری

دروازہ بند دیکھ کے میرے مکان کا جھونکا ہوا کا کھڑکی کے پردے ہلا گیا عادل منصوری

تصویر میں جو قید تھا وہ شخص رات کو خود ہی فریم توڑ کے پہلو میں آ گیا عادل منصوری

خواہش سکھانے رکھی تھی کوٹھے پہ دوپہر اب شام ہو چلی میاں دیکھو کدھر گئی عادل منصوری