Mir Taqi Mir Qita

سنا ہے چاہ کا دعویٰ تمہارا کہو جو کچھ کہ چاہو مہرباں ہو کنارا یوں کیا جاتا نہیں پھر اگر پائے محبت درمیاں ہو میر تقی میر Fazi Khan

مے کشی صبح و شام کرتا ہوں فاقہ مستی مدام کرتا ہوں کوئی ناکام یوں رہے کب تک میں بھی اب ایک کام کرتا ہوں میر تقی میر Fazi Khan

تڑپ ہے قیس کے دل میں تہ زمیں اس سے غزال دشت نشان مزار پاتے ہیں وگرنہ خاک ہوئے کتنے ہی محبت میں کسی کا بھی کہیں مشت غبار پاتے ہیں میر تقی میر Fazi Khan

نہ آیا وہ تو کیا ہم نیم جاں بھی بغیر اس کے ملے دنیا سے جاویں چلی ہے تو تو اے جان المناک ٹک اک رہ جا کہ ہم رخصت ہو آویں میر تقی میر Fazi Khan

نہ جانوں میرؔ کیوں ایسا ہے چپکا نمونہ ہے یہ آشوب و بلا کا کرو دن ہی سے رخصت ورنہ شب کو نہ سونے دے گا شور اس بے نوا کا میر تقی میر Fazi Khan

پھر بھی کرتے ہیں میرؔ صاحب عشق ہیں جواں اختیار رکھتے ہیں چوٹٹے دل کے ہیں بتاں مشہور بس یہی اعتبار رکھتے ہیں میر تقی میر Fazi Khan

بتاں کے عشق نے بے اختیار کر ڈالا وہ دل کہ جس کا خدائی میں اختیار رہا وہ دل کہ شام و سحر جیسے پکا پھوڑا تھا وہ دل کہ جس سے ہمیشہ جگر فگار رہا میر تقی میر Fazi Khan

ہو عاشقوں میں اس کے تو آؤ میرؔ صاحب گردن کو اپنی مو سے باریک تر کرو تم کیا لطف ہے وگرنہ جس دم وہ تیغ کھینچے سینہ سپر کریں ہم قطع نظر کرو تم میر تقی میر Fazi Khan

ہر چند گدا ہوں میں ترے عشق میں لیکن ان بو الہوسوں میں کوئی مجھ سا بھی غنی ہے ہر اشک مرا ہے در شہوار سے بہتر ہر لخت جگر رشک عقیق یمنی ہے میر تقی میر Fazi Khan

یہی درد جدائی ہے جو اس شب تو آتا ہے جگر مژگان تر تک دکھائی دیں گے ہم میت کے رنگوں اگر رہ جائیں گے جیتے سحر تک میر تقی میر Fazi Khan