نہ ہارا ہے عشق اور نہ دنیا تھکی ہے دیا جل رہا ہے ہوا چل رہی ہے خمار بارہبنکوی

صحرا کو بہت ناز ہے ویرانی پہ اپنی واقف نہیں شاید مرے اجڑے ہوئے گھر سے خمار بارہبنکوی

مجھے کو محرومی نظارہ قبول آپ جلوے نہ اپنے عام کریں خمار بارہبنکوی

ہم بھی کر لیں جو روشنی گھر میں پھر اندھیرے کہاں قیام کریں خمار بارہبنکوی

جلتے دیوں میں جلتے گھروں جیسی ضو کہاں سرکار روشنی کا مزا ہم سے پوچھئے خمار بارہبنکوی

حال غم کہہ کے غم بڑھا بیٹھے تیر مارے تھے تیر کھا بیٹھے خمار بارہبنکوی

اک گزارش ہے حضرت ناصح آپ اب اور کوئی کام کریں خمار بارہبنکوی

چراغوں کے بدلے مکاں جل رہے ہیں نیا ہے زمانہ نئی روشنی ہے خمار بارہبنکوی

عقل و دل اپنی اپنی کہیں جب خمارؔ عقل کی سنیے دل کا کہا کیجئے خمار بارہبنکوی

الٰہی مرے دوست ہوں خیریت سے یہ کیوں گھر میں پتھر نہیں آ رہے ہیں خمار بارہبنکوی

جھنجھلائے ہیں لجائے ہیں پھر مسکرائے ہیں کس اہتمام سے انہیں ہم یاد آئے ہیں خمار بارہبنکوی

یہ وفا کی سخت راہیں یہ تمہارے پاؤں نازک نہ لو انتقام مجھ سے مرے ساتھ ساتھ چل کے خمار بارہبنکوی