کوئی حالت نہیں یہ حالت ہے​

کوئی حالت نہیں یہ حالت ہے​
یہ تو آشوب ناک صورت ہے​

انجمن میں یہ میری خاموشی​
بردباری نہیں ہے وحشت ہے

تجھ سے یہ گاہ گاہ کا شکوہ​
جب تلک ہے بسا غنیمت ہے​

ہم نے جانا تو ہم نے یہ جانا​
جو نہیں ہے وہ خوبصورت ہے​​

خواہشیں دل کا ساتھ چھوڑ گئیں​
یہ اذیت بڑی اذیت ہے​

لوگ مصروف جانتے ہیں مجھے​
یاں میرا غم ہی میری فرصت ہےہ

سنگ پیرائے تبسم میں​
اس تکلف کی کیا ضرورت ہے​ ​

ہم نے دیکھا تو ہم نے یہ دیکھا​
جو نہیں ہے وہ خوبصورت ہے​

وار کرنے کو جانثار آئیں​
یہ تو ایثار ہے عنایت ہے​

گرم جوشی اور اس قدر، کیا بات​
کیا تمہیں مجھ سے کچھ شکایت ہے

اب نکل آؤ اپنے اندر سے​
گھر میں سامان کی ضرورت ہے​

آج کا دن بھی عیش سے گزرا​
سر سے پا تک بدن سلامت ہے​

جون ایلیاء

iztirab