کیف پر بھی ہے کیف کا عالم آج مستی بھی محو مستی ہے بات کرتا ہوں پھول جھڑتے ہیں آنکھ اٹھاتا ہوں مے برستی ہے

رات کی پر سکوت ظلمت میں فرط حسرت سے رو رہا ہے کوئی زندگی کے حسین کھیتوں میں دکھ بھرے گیت بو رہا ہے کوئی

ساقیا ساقیا سنبھال اسے پھینک دیوے نہ کوئی جال اسے گردش روزگار آئی ہے ایک دو ساغروں سے ٹال اسے نریش کمار شاد

زلف وہ پر فسوں حقیقت ہے جب بھی الجھی غم حیات بنی جب بھی نکھری سیاہ رات ہوئی جب بھی لہرائی کائنات بنی نریش کمار

ہے طرب کا الم سے یارانہ زندگی موت کی سہیلی ہے تیری دنیا تو اے مرے خالق اک پر اسرار سی پہیلی ہے نریش کمار

اک حسیں کے صبیح چہرے پر رینگتے ہیں ملال کے سائے سنگ مرمر کے فرش پر جیسے کوئی خوش رنگ ناگ لہرائے نریش کمار شاد

لاکھ کاٹو رگیں صداقت کی کب صداقت کی روح مرتی ہے اس کے اک ایک قطرۂ خوں سے اک نئی زندگی ابھرتی ہے نریش کمار

روح کی آنچ میں ابالا ہے مدتوں خون دل سے پالا ہے اپنے شعروں میں جب کہیں میں نے زندگی کی تڑپ کو ڈھالا ہے

انتقام غم و الم لیں گے زندگی کو بدل کے دم لیں گے مر گئے تو فضائے گیتی کے ذرے ذرے میں ہم جنم لیں

میری غمگین و زرد صورت کو دیکھ لیتے ہیں جب کبھی احباب مجھ سے طنزاً سوال کرتے ہیں شادؔ صاحب پیو گے اب بھی شراب

کس قدر احترام کرتے ہیں اپنے پندار اپنی ذات کا ہم ایسی کتنی حماقتیں ہیں جنہیں نام دیتے ہیں تجربات کا ہم نریش کمار شاد

تیری قسمت میں بد نصیب انساں شادمانی کا ہے کہاں امکاں تو مسرت جسے سمجھتا ہے وہ تو ہے غم کا عارضی فقداں نریش کمار