وہ دور افق میں اڑانیں ہیں کچھ پرندوں کی اتر رہے ہیں نئے لفظ آسمانوں سے شبنم رومانی

کس کی روح تعاقب میں ہے سائے کے مانند آتی ہے نزدیک سے اکثر خوشبو کی جھنکار شبنم رومانی

اجنبی سے نظر آئے ترے چہرے کے نقوش جب ترے حسن پہ میں نے نظر ثانی کی شبنم رومانی

مجھ پہ ہنستا ہے کیوں ستارہ صبح رات بھر جاگتا تو میں بھی ہوں شبنم رومانی

مجھے یہ زعم کہ میں حسن کا مصور ہوں انہیں یہ ناز کہ تصویر تو ہماری ہے شبنم رومانی

زندگی خواب دیکھتی ہے مگر زندگی زندگی ہے خواب نہیں شبنم رومانی

اپنی مجبوری کو ہم دیوار و در کہنے لگے قید کا ساماں کیا اور اس کو گھر کہنے لگے شبنم رومانی

تیری تابش سے روشن ہیں گل بھی اور ویرانے بھی کیا تو بھی اس ہنستی گاتی دنیا کا مزدور ہے چاند؟ شبنم رومانی