چڑھتے سورج کی میں پوجا کرتا ہوں یار یہی اک خصلت زندہ رکھتی ہے ذولفقار نقوی

سر بچے یا نہ بچے تیرے زیاں خانے میں اپنی دستار بہر طور بچانا ہے مجھے ذولفقار نقوی

ساحل پہ بیٹھا دیکھ کے موجوں کا اضطراب الجھی ہوئی سی گتھیاں سلجھا رہا ہوں میں ذولفقار نقوی

ہمارے ساتھ جو چلنا ہے زاد رہ لے لو کٹھن سے موڑ ہیں پاؤں پھسل بھی سکتا ہے ذولفقار نقوی

نامہ بر ان سے بس یہی کہنا نیم جاں اک گلاب دیکھا ہے ذولفقار نقوی

ترے حسن کی کہانی مری چشم تر سے نکلی میں نہ اشک بار ہوتا تو نہ آشکار ہوتا ذولفقار نقوی

جو کچھ بھی ہو رہا ہے یہ مقسوم تو نہیں بس تجھ کو کھا گئی ہے تری سوگوار چپ ذولفقار نقوی

نہ جانے کس نگر آباد ہو جاتی ہیں وہ جا کر میں اکثر شام کو چھت سے پتنگیں جو اڑاتا ہوں ذولفقار نقوی

بت تراشی چار سو ہے جلوہ گر دے گئی سب کی جبینوں کو نشاں ذولفقار نقوی

پھونک دے بڑھ کے جو تیرگی کا بدن میری آنکھوں میں وہ روشنی ہے کہاں ذولفقار نقوی