آنکھوں پہ وہ زلف آ رہی ہے کالی جادو جگا رہی ہے لیلیٰ خاکہ اڑا رہی ہے مجنوں کو ہوا بتا رہی ہے زنجیر جو کھڑکھڑا رہی ہے وحشت کیا غل مچا رہی ہے ہیں چال سے ان کی زندہ درگور مردوں پہ قیامت آ رہی ہے پامال خرام ہو چکے دفن پسنے کو بس اب حنا رہی ہے زلفیں وہ پری ہلا رہی ہے دیوانوں کی شامت آ رہی ہے گویا ہونے دے بے زبانی کیوں میرا گلا دبا رہی ہے دل نے الفت سے زک اٹھائی آنکھوں دیکھا رلا رہی ہے آغاؔ صاحب گلی میں ان کی اک حور تمہیں بلا رہی ہے